🌸 सम्राट अशोक विजयादशमी व धम्मचक्र प्रवर्तन दिन – पुण्यात वेसाक फाउंडेशनतर्फे उत्साहात साजरा 🌸

दि. ०२ ऑक्टोबर २०२५ | स्थळ: डॉ. बाबासाहेब आंबेडकर पुतळा उद्यान, पुणे

• WordPress
• WhatsApp

पुणे – वेसाक फाउंडेशन, पुणे यांच्या वतीने सम्राट अशोक विजयादशमी व धम्मचक्र प्रवर्तन दिन अत्यंत आनंद, श्रद्धा आणि उत्साहाच्या वातावरणात साजरा करण्यात आला. या कार्यक्रमात समाजातील विविध घटकांतील नागरिक, बौद्ध बांधव आणि तरुणवर्ग मोठ्या संख्येने सहभागी झाले होते.

कार्यक्रमाच्या प्रारंभी त्रिशरण पंचशील ग्रहणाने धम्ममय वातावरण निर्माण झाले. त्यानंतर आदरणीय भन्ते धम्मानंद यांच्या प्रेरणादायी धम्मदेशनेचा लाभ सर्व उपस्थितांना मिळाला. त्यांनी आपल्या देशात समतेचा, करुणेचा आणि ज्ञानाचा ध्वज फडकविणाऱ्या बुद्धांच्या विचारांचा सखोल अर्थ सांगितला.

कार्यक्रमाचे प्रमुख वक्ते आयु. शिवाजी लोंढे साहेब (उपायुक्त, समाज कल्याण विभाग, पुणे, महाराष्ट्र) होते. त्यांनी आपल्या प्रभावी भाषणात डॉ. बाबासाहेब आंबेडकरांच्या विचारांचा वारसा जपण्याचे आणि समाज परिवर्तनासाठी शिक्षण, संघटन आणि संघर्ष यांचा अवलंब करण्याचे आवाहन केले.

कार्यक्रमाच्या अखेरीस सर्व उपस्थितांनी धम्मवंदना केली आणि खीरदान करून आपली आनंदभावना व्यक्त केली. संपूर्ण कार्यक्रम शांततेच्या आणि सौहार्दाच्या वातावरणात पार पडला.

या कार्यक्रमाच्या यशस्वी आयोजनासाठी वेसाक फाउंडेशन पुणेच्या सर्व सभासद, हितचिंतक व दानदाते यांच्या सहकार्यामुळे हा कार्यक्रम अत्यंत यशस्वीपणे संपन्न झाला.

✨ धम्मचक्र प्रवर्तन दिन म्हणजे मानवी सन्मान, समता आणि करुणेच्या मूल्यांना नव्याने जागविणारा प्रेरणादायी क्षण आहे.