📰 त्रिरत्न महाविहार येथे धम्मचक्र प्रवर्तन दिन भव्य व उत्साहपूर्ण साजरा करण्यात आला

दि. २ ऑक्टोबर २०२५ रोजी त्रिरत्न महाविहार येथे ६९ वा धम्मचक्रप्रवर्तन दिन अत्यंत आनंद व उत्साहात साजरा करण्यात आला. कार्यक्रमाची सुरुवात पुज्य भन्ते यांच्या हस्ते धम्मध्वजारोहण व बुद्धवंदनेने झाली.

या प्रसंगी प्रमुख वक्ते म्हणून प्रा. ऍड. श्रीकिशन मोरे (प्रोफेसर, एम.पी.ला. कॉलेज, छ.सं.नगर) व ऍड. राहुल निसर्गंध (विधीतज्ञ, उच्च न्यायालय खंडपीठ, छ.सं.नगर) उपस्थित होते. तसेच कार्यक्रमाचे अध्यक्षस्थान ईंजी. अंगदराव शेजुळ यांनी भूषवले. ट्रस्टचे उपाध्यक्ष वसंतराव शेजुळ यांचीही मंचावर उपस्थिती होती.

प्रमुख पाहुण्यांच्या हस्ते महामानवांच्या प्रतिमांचे पूजन करण्यात आले. प्रस्तावना आयु. वसंतराव शेजुळ यांनी तर पाहुण्यांचा परिचय बी.एम. गरुड यांनी करून दिला.
वक्त्यांनी आपल्या मार्गदर्शनात तथागत गौतम बुद्ध, धम्मक्रांती, भारतीय संविधान व डॉ. बाबासाहेब आंबेडकर यांच्या विचारांवर सखोल विवेचन केले. धर्मांतर होऊन ६९ वर्षे पूर्ण झाली असली तरी आपण खऱ्या अर्थाने बौद्ध जीवन जगतो आहोत का? कर्मकांड, पोटजाती व सामाजिक भेदभाव यांपासून आपण खरेच मुक्त झालो आहोत का? यावर आत्मपरीक्षण करण्याचे आवाहन वक्त्यांनी केले.
कार्यक्रमाचे सूत्रसंचालन प्रा. अरुण चंदनशिवे यांनी केले, तर शेवटी आभार प्रदर्शन के.एम. पगारे यांनी केले.
मोठ्या संख्येने उपासक-उपासिका, बालक व बालिका उपस्थित राहून कार्यक्रमाची शोभा वाढवली. उपस्थितांसाठी अल्पोपहाराचीही व्यवस्था करण्यात आली होती.