सामाजिक बातम्या

दि बुद्धिस्ट सोसायटी ऑफ इंडिया
(भारतीय बौद्ध महासभा)
पुणे जिल्हा (पश्चिम)
रविवार ता. 21 सप्टेंबर 2025 –
“धम्मसवण कालो, अयं भदन्ता।”
(हे आदरणीय मनुष्यांनो, आपणास धम्म श्रवण करण्याची हीच योग्य वेळ आहे)
दि बुद्धिस्ट सोसायटी ऑफ इंडिया तथा भारतीय बौद्ध महासभेच्या महाराष्ट्र राज्य शाखेने वर्षावासच्या प्रवचन मालिकेसोबत ‘ग्रंथ पठण अभियान ‘ सुरू केलेले आहे. महाराष्ट्र शाखेच्या सर्व पदाधिकाऱ्यांवर 62 जिल्ह्यांमध्ये हे अभियान चालवण्यासाठी जबाबदारी दिलेली आहे. प्रत्येक जिल्ह्यातील प्रत्येक तालुक्यात किमान पन्नास गावांमध्ये अभियान चालविले पाहिजे. यासाठी तालुका शाखांपासून सर्व पदाधिकारी गावांशी/शहर विभागांशी संवाद – संपर्क साधत आहेत.
रविवार ता. 21 रोजी आम्ही आयु. बाळासाहेब गायकवाड (संस्कार सचिव, महाराष्ट्र राज्य), आयु. संजय भोसले (का. सदस्य, महाराष्ट्र राज्य) पुणे जिल्हा (पश्चिम) अंतर्गत खेड तालुक्यातील कुरळी गावातील डॉ. बाबासाहेब आंबेडकर बुद्ध विहार येथे पोचलो. त्याठिकाणी आयु. पी.के. पवार (प्रचार व पर्यटन उपाध्यक्ष, पुणे जिल्हा पश्चिम), आयु. श्रीकांत गायकवाड (अध्यक्ष, खेड तालुका), आयु. शांताराम गायकवाड (सरचिटणीस, खेड तालुका), आयु. भगवान कोकरे (कोषाध्यक्ष, खेड तालुका), आयु. दिपक नितनवरे (प्रचार व पर्यटन सचिव, खेड तालुका), आयु. मनोहर पाटोळे (संघटक, खेड तालुका), आयु. लाला कांबळे (संघटक, खेड तालुका), आयु. गंगाधर वाघमारे (संरक्षण उपाध्यक्ष, चाकण शहर) इत्यादी पदाधिकारी, चार स.सै.दलाचे जवान व गावातील उपासक, उपासिका उपस्थित होते.
सदर ठिकाणी ‘भगवान बुद्ध आणि त्यांचा धम्म’ या ग्रंथातील एका धड्याचे वाचन करण्यात आले.