🪷 वर्षावास प्रवचन मालिकेचा समारोप उत्साहात संपन्न 🪷

🪷 वर्षावास प्रवचन मालिकेचा समारोप उत्साहात संपन्न 🪷

दि. बुद्धिस्ट सोसायटी ऑफ इंडिया तथा भारतीय बौद्ध महासभेच्या ग्राम शाखा विरळे, तालुका शाहूवाडी, जिल्हा कोल्हापूर यांच्या वतीने आषाढ पौर्णिमा (10 जुलै 2025) ते अश्विन पौर्णिमा (7 ऑक्टोबर 2025) या कालावधीत आयोजित करण्यात आलेल्या वर्षावास प्रवचन मालिकेचे 19 वे पुष्प आणि समारोपाचा सोहळा सारनाथ बुद्ध विहार, विरळे येथे मोठ्या संख्येने आणि उत्साहात पार पडला.

या समारंभाचे प्रमुख मार्गदर्शक राष्ट्रीय सचिव आद. भिकाजी कांबळे होते. त्यांनी मार्गदर्शन करताना सांगितले की — “तथागत बुद्ध आणि डॉ. बाबासाहेब आंबेडकर यांचे परिवर्तनवादी विचार हे देशालाच नव्हे, तर जगालाही आवश्यक आहेत. ग्राम शाखा विरळे यांचा मला सार्थ अभिमान आहे. त्यांनी संपूर्ण कालावधी उत्साहात वर्षावास प्रवचनमाला राबवली तसेच महाराष्ट्रातील ख्यातनाम केंद्रीय शिक्षक प्रवचनकारांना आमंत्रित केले. त्यामुळे या शाखेचा महाराष्ट्रात प्रथम क्रमांक लागतो.”

यावेळी आद. रमेश डोंगरे (तालुका पत्रकार संघ अध्यक्ष), आद. सचिन काळे (शाहूवाडी तालुका अध्यक्ष), केंद्रीय शिक्षक प्रकाश कांबळे, उत्तम कांबळे, रमेश सुरवाडे तसेच दीपक कांबळे (संस्कार प्रमुख, कोल्हापूर) यांनी धम्मबंधूंना अश्विन पौर्णिमेच्या शुभेच्छा दिल्या.

कार्यक्रमाचे अध्यक्षस्थान शाखाध्यक्ष आद. नितीन पुनाजी कांबळे यांनी भूषविले. धम्मपीठावर राष्ट्रीय सचिव आद. भिकाजी कांबळे यांच्यासह सर्व मान्यवर उपस्थित होते.

कार्यक्रमाचे संयोजक आयु. जिजाबाई श्रावण कांबळे आणि अॅड. रोहितकुमार दामाजी कांबळे यांनी भोजनदानाचे पुण्यकर्म केले. सूत्रसंचालन बौद्धाचार्य आणि माजी सरचिटणीस आद. आनंदा महादेव कांबळे यांनी ओजस्वी शैलीत केले.

कार्यक्रमाची सुरुवात त्रिशरण पंचशील व आदर्श पूजनाने झाली. स्वागताध्यक्ष आद. विजयकुमार विरळीकर यांनी मान्यवरांचे स्वागत केले. प्रास्ताविक बौद्धाचार्य आणि संस्कार सचिव आद. अंकुश सुरेश कांबळे यांनी केले. त्यांनी शाखेचा 2010 पासूनचा इतिहास सांगत लवकरच सुसज्ज ग्रंथालय उभारणार असल्याची घोषणा केली.

महिला सचिव संजना कांबळे आणि आयेशा कांबळे यांनी मनोगत व्यक्त करताना धम्माची शिदोरी घराघरात पोचवण्याचा निर्धार व्यक्त केला. आभार प्रदर्शन आद. भीमराव निवृत्ती कांबळे यांनी केले.

कार्यक्रम यशस्वी होण्यासाठी आयु. रवी कांबळे, आनंद कांबळे, संजय कांबळे, विजय कांबळे, अंकुश कांबळे, भगवान कांबळे, संजना कांबळे, आयेशा कांबळे यांनी परिश्रम घेतले.

प्रवचनासाठी धम्मबांधव मोठ्या संख्येने उपस्थित राहिले. वर्षावास प्रवचन मालिकेचा समारोप कार्यक्रम अत्यंत शिस्तबद्ध, प्रेरणादायी आणि उत्स्फूर्त वातावरणात संपन्न झाला. 🪔✨

📍 स्थळ: सारनाथ बुद्ध विहार, विरळे, ता. शाहूवाडी, जि. कोल्हापूर
🗓️ दिनांक: 7 ऑक्टोबर 2025

✍️ वार्ताहर — त्रिपिटक वार्ता 📰