🪶 सुजाता बुद्ध विहारात वर्षावास समाप्तीनिमित्त भव्य धम्मदेशना

नाशिक, ११ ऑक्टोबर २०२५ — नाशिकमधील सुजाता बुद्ध विहार, जनरल वैद्य नगर, हैप्पी होम कॉलनी, भाभानगर येथे वर्षावास कालावधीची सांगता आणि धम्मदेशना कार्यक्रम मोठ्या श्रद्धा आणि उत्साहात संपन्न झाला.

या कार्यक्रमाचे अध्यक्षस्थान आयु. गोविंदराव शिरसाट यांनी भूषविले, तर नव्या अध्यक्षा आयुष्यमती विद्युलता जाधव यांच्या मार्गदर्शनाखाली हा समारंभ पार पडला.

कार्यक्रमास पूज्यनीय भंते सिरीबुद्धा आणि बौद्धाचार्य संदेश पगारे यांचे धम्म उपासक–उपासिकांच्या वतीने पुष्पवर्षाव करून भव्य स्वागत करण्यात आले. पूज्यनीय भंतेंच्या हस्ते महामानव डॉ. बाबासाहेब आंबेडकर यांच्या प्रतिमेस पुष्पांजली व धूप अर्पण करण्यात आले. त्यानंतर भंतेंनी उपस्थितांकडून परित्राण पाठ ग्रहण करून घेतले व अर्थपूर्ण धम्मदेशना देत सर्वांना मंगलकामना व्यक्त केल्या. यावेळी भंतेंना अष्टपरीष्कार व चिवरदानही करण्यात आले.

कार्यक्रमाची सुरुवात आयु. साधना गायकवाड यांच्या सुमधुर स्वागत गीताने झाली, तर आयु. शुभांगी उबाळे यांनी संस्थेचे प्रास्ताविक सादर केले. प्रमुख पाहुणे म्हणून आचार्य नंदकिशोर साळवे आणि पाली भाषेचे अभ्यासक आचार्य राजेंद्र भालशंकर उपस्थित होते. दोन्हीही आचार्यांनी बौद्ध धम्माचे सखोल प्रबोधन केले आणि यावेळी त्यांचा सत्कारही करण्यात आला.

संस्थेचे संस्थापक अध्यक्ष आयु. संजय पगारे यांनी आपल्या मनोगतात वर्षावास काळातील कार्याचे स्मरण करून दिले, तर आयु. सुधा शिरसाट यांनी वर्षावास काळातील अनुभव सांगून उपस्थितांना भावनिक केले.

यावेळी नव्या कार्यकारिणीची ओळख करून देण्यात आली व सर्वांचा पुष्पगुच्छ देऊन सत्कार करण्यात आला. कार्यक्रमाचे प्रभावी सूत्रसंचालन आयु. ज्योत्सना सोनवणे यांनी केले, तर सुनीता जगताप यांनी आपल्या खुमासदार शैलीत आभार प्रदर्शन करून उपस्थितांची मने जिंकली.

कार्यक्रमाच्या यशस्वीतेसाठी आयु. शामराव सोनवणे, आयु. विजय शिंदे, आयु. विजय अहिरे, आयु. राजेंद्र साळवे, आयु. भारत निर्भवणे, आयु. राजू निर्भवणे, विश्वराज गायकवाड, विमलताई बोढारे, डॉ. उषा बुकाने, साधना जगताप, सुधा शिरसाट, नंदा शिंदे, ललिता काळे, नेहा पगारे, विजया सोनवणे, सुनीता जगताप, वैशाली निर्भवणे, चित्रा निर्भवणे, सायली जाधव, सीमा जाधव, साक्षी जगताप, डॉ. क्रांती सोनवणे, दर्शना काळे, वैभव निर्भवणे आदींनी अथक परिश्रम घेतले.

समारोपानंतर सर्व धम्म उपासक–उपासिकांना भोजनदान देऊन कार्यक्रमाचा समारोप झाला.